Paulo Dybala, sóknarmaður Juventus er orðaður við Manchester United þessa dagana.
Dybala hefur verið einn besti leikmaður liðsins síðan hann kom til félagsins frá Palermo árið 2015.
Hann hefur verið sjóðandi heitur á þessari leiktíð og hefur nú skorað 17 mörk í 28 leikjum fyrir félagið, ásamt því að leggja upp 3 mörk.
Framtíð hans hefur verið í umræðunni, undanfarna mánuði en hann er sagður vilja reyna fyrir sér annarsstaðar en á Ítalíu.
Barcelona hefur áhuga á honum, sem og Manchester United en Gazetta Dello Sport greinir frá því í dag að ef leikmaðurinn vilji fara, þurfi hann að biðja um sölu frá Juventus.
