Graeme Souness, fyrrum fyrirliði Liverpool og sparspekingur hjá Sky Sports er ekki hrifinn af því sem Arsene Wenger hefur gert hjá Arsenal, undanfarin ár.
Wenger tilkynnti það í vikunni að hann ætlaði sér að hætta með félagið í sumar þegar tímabilinu lýkur en hann hefur stýrt Arsenal frá árinu 1996.
Frakkinn hefur tvívegis unnið ensku úrvalsdeildina með Arsenal og þá hefur hann skilað sjö FA-bikurum í hús en Souness finnst það ekki nægilega góður árangur miðað við lengd í starfi.
Hann vill meina að Sir Alex Ferguson, stjóri Manchester United hafi gert miklu betri hluti sem knattspyrnustjóri og er ekki hrifinn af stjóratíð Wenger.
„Margir vilja bera Wenger saman við Fergie en það ætti ekki að bera þá saman. Fergie bjó til betri lið og hann vann miklu fleiri titla,“ sagði Souness.
„Wenger var með nokkur frábær lið, það er rétt en Fergie bjó til fleiri frábær lið. Hann vann deildina þrettán sinnum, enska FA-bikarinn fimm sinnum, Deildarbikarinn fjórum sinnum og Meistaradeildina í tvígang.“
„Bob Paisley, stjórinn sem fékk mig til Liverpool vann deildina sex sinnum, Evrópukeppnina þrisvar sinnum og Deildarbikarinn þrisvar sinnum á þeim níu árum sem hann stýrði félaginu.“
„Wenger átti að vinna miklu meira,“ sagði Souness að lokum en samanburð á þeim Ferguson og Wenger má sjá hér fyrir neðan.