fbpx
433Sport

Stjóri Liverpool lofsyngur Ísland: „Til hamingju með að vera Íslendingur“

„Það er eins og rætur fótboltans og rætur alls í lífinu séu þarna“

Einar Þór Sigurðsson
Mánudaginn 5. mars 2018 15:07

Jurgen Klopp, knattspyrnustjóri Liverpool, er hrifinn af Íslandi og íslenska fótboltalandsliðinu ef marka má ummæli hans í samtali við Fótbolti.net í dag. Vonar hann að Íslendingar hampi heimsmeistaratitlinum í Rússlandi í sumar.

Blaðamaður vefmiðilsins sat blaðamannafund Liverpool vegna leiks liðsins gegn Porto í Meistaradeildinni á morgun og nýtti tækifærið til að spyrja Þjóðverjann út í íslenska liðið.

Klopp trúði því vart þegar honum var sagt að 340 þúsund manns byggju á Íslandi.

„Ég trúi því ekki. Það er eins og rætur fótboltans og rætur alls í lífinu séu þarna. Þú þarft greinilega ekki mikið af fólki heldur bara rétta fólkið til að gera stóra hluti,“ sagði Klopp.

Hann bætti því að Ísland hefði gert frábæra hluti í íþróttum, ekki bara fótbolta heldur einnig handbolta.

„Það mætti halda að landið væri fullt af íþróttafólki en þarna eru líka læknar, kennarar og allt annað. Ég skil ekki hvernig það eru bara 330-340 þúsund íbúar þarna. Þeir hljóta að vera læknar, kennarar og atvinnumenn í fótbolta á sama tíma,“ sagði hann áður en hann sagðist halda með Íslandi á HM og vona að liðið færi alla leið, að því gefnu að Þýskaland eða England dyttu út.

„Ég kann vel við hugarfarið hjá öllu fólkinu í þínu frábæra landi. Til hamingju með að vera Íslendingur,“ sagði Klopp að lokum við Magnús Má Einarsson.

Hér að neðan má sjá myndband af lofræðu Klopp um Ísland, en umræðan byrjar þegar rúmar 40 mínútur eru liðnar af myndbandinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 2 dögum

Þjálfari Hugins tjáir sig um vallarmálið: Við mættum á réttan völl – Eiga jafn mikið skilið að fá dæmdan sigur

Þjálfari Hugins tjáir sig um vallarmálið: Við mættum á réttan völl – Eiga jafn mikið skilið að fá dæmdan sigur
433Sport
Fyrir 3 dögum

,,Dæma þetta Hugins rusl í 10 ára bann frá KSÍ“

,,Dæma þetta Hugins rusl í 10 ára bann frá KSÍ“
433Sport
Fyrir 3 dögum

Einn besti knattspyrnumaður Íslands að snúa aftur – ,,Guess who’s back, back again“

Einn besti knattspyrnumaður Íslands að snúa aftur – ,,Guess who’s back, back again“
433Sport
Fyrir 3 dögum

Taktu prófið: Þekkir þú þessar gömlu knattspyrnuhetjur?

Taktu prófið: Þekkir þú þessar gömlu knattspyrnuhetjur?
433Sport
Fyrir 4 dögum

Steini Halldórs um að taka við kvennalandsliðinu: Ég veit það að ég er bestur í starfið

Steini Halldórs um að taka við kvennalandsliðinu: Ég veit það að ég er bestur í starfið
433Sport
Fyrir 5 dögum

Pepsi-deild kvenna: Breiðablik Íslandsmeistari

Pepsi-deild kvenna: Breiðablik Íslandsmeistari