Óhætt er að segja að viðtal RÚV við Guðjón Val Sigurðsson, landsliðsfyrirliða í handbolta, hafi vakið mikla athygli á samfélagsmiðlum í kvöld en viðtalið var tekið skömmu eftir svekkjandi tap Íslands gegn Serbum í riðlakeppni Evrópumótsins sem nú stendur yfir í Króatíu.
Ísland tapaði leiknum með þremur mörkum og sigur Svía á heimamönnum í Króatíu í kvöld gerði það svo að verkum að Ísland er úr leik í mótinu.
Í viðtalinu virtist Guðjón Valur hinn brattasti og hefur framkoma hans í viðtalinu fengið ýmsa til að klóra sér í kollinum.
Þegar Þorkell Gunnar Sigurbjörnsson, íþróttafréttamaður RÚV, spurði Guðjón hverjar hans fyrstu hugsanir eftir leik væru, sagði hann:
„Alltaf skal þetta enda svona maður. Ha? Þegar þú tapar með þremur þá taparðu með þremur og þetta er bara eins og þetta sé skrifað í skýin. Mikið ótrúlega er þetta gaman.“
Þorkell benti á að íslenska liðið byði allavega íslensku þjóðinni upp á spennu fram á kvöld. Þá var ljóst að Króatar þyrftu að vinna Svía til að Ísland kæmist áfram. Það gekk ekki eftir.
Guðjón Valur: „Já, og okkur sjálfum og áhorfendum og öllum og svo bara vonum við það besta, að Króatarnir vinni og þá erum við áfram með tvö stig og þá er þetta eins og þetta hafi aldrei gerst.“
Þegar hann var spurður hvernig hann hefði upplifað leikinn sagði Guðjón: „Ofsalega skemmtilegur. Bara fullt af fjöri, fullt af færum og mér fannst við spila bara ágætlega. Við vorum kannski aðeins á handbremsunni. Það var eins og við værum að verja sætið í milliriðli í staðinn fyrir að ná í það og taka það með okkur heim. En, þú veist, við áttum að vera búnir að klára þennan leik,“ sagði Guðjón og benti á að dauðafæri hefðu farið í súginn. „En þetta skal alltaf vera svona. Þetta er sportið maður. Ótrúlega gaman.“
Þegar fréttamaður spurði hvað hefði farið í gegnum hugann þegar Björgvin Páll Gústavsson varði síðasta skot leiksins og hélt þar með á lífi von Íslands um sæti í milliriðil, sagði Guðjón: „Hann á skilið eitt gott nudd í kvöld, herbergisfélaginn. Það er eitthvað gott sem ég plana fyrir hann og geri fyrir hann.“
Guðjóni, sem er einn allra besti handboltamaður þjóðarinnar og reynslumesti leikmaður íslenska hópsins, hefur verið legið á hálsi á samfélagsmiðlum í kvöld fyrir viðtalið. Fjölmargir hafa gagnrýnt hann á Twitter á meðan aðrir benda á að hann hafi eflaust verið svekktur eftir tapið, reynt að líta á björtu hliðarnar en hugsanlega farið aðeins of langt í þeim efnum. Guðjón Valur var besti maður Íslands í leiknum og skoraði mörg mikilvæg mörk en því miður dugðu þau ekki til.
Hvað sem öllu þessu líður má sjá brot af umræðunni hér að neðan. Viðtalið með hljóði og mynd má finna á vef RÚV en einnig í tísti hér að neðan þar sem einnig má sjá brot af umræðunni á Twitter eftir leik.
Íþróttafréttamaðurinn Hörður Magnússon er einn þeirra sem leggur orð í belg og segir hann að viðtalið hafi verið taktlaust og landsliðsfyrirliði Íslands sýnt stórfurðulega hegðun.
Þetta er hrikalega vont. pic.twitter.com/JzNSX9XwHj
— Garðar Ingi Leifsson (@gardarleifs) January 16, 2018
Það sem landsliðsfyrirliðinn lét út úr sér eftir tapið gegn Serbum var algerlega taktlaust. Í raun stórfurðuleg hegðun. #handbolti
— Höddi Magg (@HoddiMagnusson) January 16, 2018
Viðtalið við Guðjón var alveg sérstakt enda maðurinn líklega mjög ósáttur og að reyna að vera jákvæður, jafnvel að reyna of mikið en alveg róleg á þessari dramatík og vitleysu #emruv
— Birgir H. Stefánsson (@BHStefansson) January 16, 2018
Hroki, stælar og veruleikafirring voru viðbrögð fyrirliða Íslands eftir affhroðið gegn Serbum. Sannfærandi kemst Ísland ekki áfram á EM, enda ekkert þangað að gera. Erum langt á eftir samkeppninni og verðum það því miður næstu árin #emruv #handbolti
— Krissi Aðalsteins (@KrissiCoach) January 16, 2018
Ég fer aldrei aftur á Íslensku flatbökuna. Hrokinn í fyrirliða Íslands er ástæðan fyrir því.
— Kristján Óli Sigurðsson (@kristjanoli) January 16, 2018
Voru þeir ekki eitthvað undarlegir í viðtölunum Bjöggi og Guðjón. Of vissir um að Króatar redduðu þessu bara… kokhraustir um of… #emruv #em2018
— Ingveldur Eiríksdótt (@ingaeiriks) January 16, 2018
Augljóst eftir viðtalið við Guðjón val að hann leggi landsliðsskóna á hilluna eftir þetta mót! Spurning hvað @gaupinn segi um viðtalið #takkGaui #handbolti #emruv #eina
— Viktor Lekve (@viktorlekve) January 16, 2018
…þetta viðtal við GVS eftir leikinn áðan hlýtur að mega teljast vandræðalegasta frammistaða hans á annars glæstum ferli. #emruv
— Tryggvi Haraldsson (@tryggviharalds) January 16, 2018
Shit hvern var guðjon valur að reyna púlla i viðtalinu eftir leikinn? þokkalega kjánalegur
— Leonard Sigurdarson (@lleonardsig) January 16, 2018
Guðjón Valur verið pirraður í undanförnum viðtölum…. hefur ákveðið að taka kaldhæðnina á þetta núna. Eða hvað?
— Sindri Már Stef (@sindrimarstef) January 16, 2018
Hvaða rugl viðtal var þetta hjá fyrirliða liðsins, maðurinn var hálf hlæjandi eftir 3 marka tap í leik sem Ísland gaf frá sér #emruv #handbolti #hroki
— Halldór G Jónsson (@Dorijons1) January 16, 2018
Held að fyrirliði landsliðsinns þurfi að útskýra þetta viðtal eftir leikinn #HSÍ #handbolti #Iceland
— Gardar Olafsson (@gassi67) January 16, 2018
Þeir sem skyldu ekki viðtalið við Guðjón Val mega endilega horfa á það aftur. Ég skynjaði allavega mikla hæðni og pirring yfir úrslitum og frammistöðu.
Förum varlega í að afhöfða okkar menn. Uppbyggingin heldur áfram. Lærum af þessu. Áfram gakk! #ísland #handbolti
— Hjalti Ómars (@Hjaltiom) January 16, 2018