Langþráð sumarfrí hjá reynslumesta leikmanni Cardiff

Aron Einar hefur leik á Englandi um helgina - Líklega síðasta tímabilið með Cardiff

##Sumarið var fjörugt hjá Aroni
Aron Einar gekk í það heilaga í sumar auk þess sem Ísland vann frábæran sigur á Króatíu.
##Sumarið var fjörugt hjá Aroni ##Sumarið var fjörugt hjá Aroni Aron Einar gekk í það heilaga í sumar auk þess sem Ísland vann frábæran sigur á Króatíu.

Aron Einar Gunnarsson, fyrirliði Íslands er algjör lykilmaður í liði Cardiff og hefur verið það í mörg, árið í ár er samt líklega það síðasta í herbúðum félagsins en samningur hans er á enda næsta sumar.

„Þetta undirbúningstímabil er búið að vera allt í lagi, það hefur verið létt yfir þessu og maður sér að Warnock (þjálfari Cardiff) hefur alveg gert þetta áður. Hann veit hvað leikmenn þurfa til að vera í réttu formi en líka að vera léttir andlega, við erum búnir að æfa mjög vel en það hafa líka verið skemmtilegir hlutir í gangi. Þetta hefur verið blanda af erfiðisvinnu og skemmtilegum hlutum, ég fékk líka aðeins lengra frí. Þetta var því styttra undirbúningstímabil fyrir mig, þetta var mjög fínt. Í raun eitt skemmtilegasta undirbúningstímabil sem ég hef farið í gegnum,“ sagði Aron í samtali við DV í vikunni en hann fékk lengra sumarfrí en aðrir leikmenn liðsins.

„Ég fékk ekki mikið frí síðasta sumar, þetta voru í raun tvö tímabil sem maður tók í röð með Evrópumótinu þar á milli. Það var kærkomið að fá afslöppun og aðeins lengra frí en aðrir, það gerir mikið fyrir hausinn á manni að slappa alveg af og hugsa um allt aðra hluti en fótbolta. Þetta var kærkomið eftir tvö mjög erfið tímabil.“

Væntingar gerðar til liðsins

Stuðningsmenn Cardiff gera kröfur til liðs síns í ár og vilja að það berjist um að komast aftur upp í ensku úrvalsdeildina. „Maður finnur fyrir smá væntingum frá stuðningsmönnum okkar, maður finnur fyrir því að það eru gerðar kröfur um að við berjumst um þessi efstu sex sæti. Það vita allir knattspyrnuáhugamenn hvernig þessi næstefsta deild á Englandi virkar, við erum með Warnock og hann er þekktur fyrir að ná í úrslit í þessari deild. Maður veit ekki hvað hann á langt eftir á ferli sínum og ég held að hann vilji gera atlögu að því að komast upp. Við vitum að það eru stórir klúbbar í þessari deild með mikið af peningum, leikmenn hafa farið fram og til baka og við gerum okkur grein fyrir því að þetta getur orðið erfitt. Markmiðið er alltaf að komast í þessi efstu sex sæti og eiga möguleika á því að fara upp, við verðum að sjá hvernig þetta þróast í byrjun. Mér sýnist á öllu að menn séu ferskir og léttir og við ættum að geta byrjað vel, þegar í alvöruna er komið veit maður svo aldrei. Við erum alveg búnir undir að það hlutir geta farið úrskeiðis en við erum klárir í slaginn. Það er mikilvægt að byrja vel, við byrjuðum ekki vel í fyrra og vegna þess var þjálfarinn okkar rekinn. Warnock kom svo inn og nær ://430 leikjum og nær í úrslit sem fólk var ekki að búast við, vegna þess eru væntingarnar til okkar núna meiri. Það er jákvætt.

Ég myndi segja að við værum með sterkara lið en í fyrra, við erum búnir að bæta við okkur leikmönnum og nánast halda öllum. Cardiff hefur ekki selt neinn leikmann í sumar og ég held að það hafi verið lagt upp með að halda öllum frá því í fyrra og bæta því við sem þurfti. Við erum komnir með meiri breidd í liðið og aðeins meiri hraða fram á völlinn. Warnock vildi meiri breidd út af þessu leikjaálagi, það er góð blanda í þessum hóp og þetta lítur vel út. Fyrstu sex leikirnir eru mikilvægir.“

Er orðinn Hr. Cardiff

Aron Einar er reynslumesti leikmaður Cardiff en hann kom til félagsins árið 2011 og lék eitt ár með liðinu í úrvalsdeildinni árið 2013. „Peter Whittingham fór frá okkur í sumar, hann var samningslaus og fékk lengri samning hjá Blackburn en Cardiff var til í að bjóða. Ég er því orðinn reynslumesti leikmaðurinn hjá Cardiff núna, ég er búinn að vera lengst hjá félaginu af leikmönnunum í dag. Þeir sem komu liðinu upp í úrvalsdeildina eru ekki í þessum hóp lengur, það er skrýtið. Þeir hafa reynslu í að koma liðinu upp en Warnock hefur hana líka og við erum með flottan hóp í dag.“

Reiknar með því að fara næsta sumar

Aron Einar var orðaður við nokkur lið í sumar og áhuginn var til staðar, N/eil Warnock, knattspyrnustjóri liðsins, sagði Aroni hins vegar að hann væri ekki til sölu fyrir sumarið og það kom á daginn. „Ég er ekki alveg -búinn að ákveða hvort ég fari næsta sumar, eins og staðan er í dag þá reikna ég með því. Maður veit samt aldrei hvað gerist og hvað Cardiff kemur með. Ég ætla að taka stöðuna á næstu vikum, ef eitthvað gerist þá sér maður hvað er í gangi og prófar eitthvað nýtt kannski. Núna er hausinn fyrst og fremstur sti/lltur inn á að byrja tímabilið vel með Cardiff. Það gekk á ýmsu í sumar, sumt var ekki spennandi en aðrir hlutir voru spennandi. Ég vissi alveg að Warnock myndi ekki taka neinu tilboði í mig, hann sagði við mig í lok síðasta tímabils að hann myndi ekki selja mig og ég reiknaði því með því að það stæði bara. Það verður að koma í ljós í janúar hvað gerist, þeir gætu viljað selja mig til að fá einhvern pening eða boðið mér þá nýjan samning. Þetta kemur allt í ljós.“

Mikilvægustu landsleikir sögunnar

Í byrjun september leikur íslenska landsliðið tvo mikilvæga landsleiki, við Finnland og Úkraínu, og sigrar í þeim leikjum væru stórt skref inn á HM í Rússlandi næsta -sumar. „Þessir landsleikir eru alltaf ofarlega í hausnum á manni, það er klisjan sem við höfum notað mikið síðustu ár. Þetta eru mikilvægustu landsleikir í sögu karlalandsliðsins fram undan, við þurfum að ná í tvo sigra í næstu tveimur leikjum. Króatía er ekki að tapa mörgum leikjum, Króatar ætla sér á HM. Við þurfum að eiga tvo toppleiki til að ná í sex stig gegn Finnlandi og Úkraínu. Við vorum í veseni gegn Finnlandi á -heimavelli þar sem við þurftum að stjórna leiknum og við þu-rfum að vera vel yfir þann leik og ég veit að Heimir Hallgrímsson er að því. Þetta verða tveir virkilega skemmtilegir leikir og ég er spenntur fyrir ferðinni til Íslands því það verður mikið af Íslendingum þarna í sameiningu við körfuna. Ef við töpum öðrum af þessum -leikjum þá skiptir sigurinn á Króatíu ekki neinu máli, öll sú erfiðisvinn-ca sem við settum í það verkefni myndi bara þurrkast út. Við getum ekki tapað þessum leikjum út af einhverju kæruleysi, við þurfum að hafa hausinn í lagi og ég hef reyndar ekki neinar áhyggjur af því að svo verði ekki. Ég hef ekki trú á neinu öðru en að menn séu með hugann við þessa leiki.“/

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.