„Mér fannst ég standa mig vel í byrjun bardagans. Ég náði á hann höggi og hann potaði í augað á mér. Ég hefði átt að segja eitthvað á þessum tímapunkti því ég sá tvöfalt það sem eftir lifði bardagans. […] Ég hefði átt að segja eitthvað en ég veit ekki af hverju ég sagði ekki neitt.“
Þetta sagði Gunnar Nelson á blaðamannafundi eftir bardagann við Santiago þar sem Gunnar tapaði í fyrstu lotu.
Jón Viðar Arnþórsson formaður Mjölnis hafði áður tjáð sig á Facebook. Hann sagði:
„Lífið er ekki alltaf sanngjarnt finnst manni. Gunnar hefur aldrei verið eins góður eins og sást í byrjun bardagans og í æfingabúðunum. Mér fannst hann nánast vera leika sér að Argentínumanninum. Santiago potaði hressilega í augað á Gunna í fyrstu fléttunni sem Gunnar kom með. Gunni sá allt blörrað eftir það. Hefði auðvitað átt að segja eitthvað en gerði það ekki. Santiago náði síðan að klára bardagann eins þjóðin veit.“
Þá bætti Jón Viðar við:
„Gunnar er góður á því en auðvitað hrikalega svekktur. Fer í æfingabann út sumarið, en ef ég þekki hann rétt þá mun þetta kveikja mikinn eldmóð i honum.“
Hér má sjá upptöku frá blaðamannafundinum:
(VIDEO) Gunnar Nelson says he suffered an eye poke prior to getting knocked out by Santiago Ponzinibbio. #UFCGlasgow pic.twitter.com/wVfVcOs2Gu
— Chamatkar Sandhu (@SandhuMMA) July 16, 2017
