Johnson var á síðasta ári dæmdur í sex ára fangelsi fyrir að áreita 15 ára stúlku kynferðislega
Adam Johnson, fyrrum kantmaður Sunderland, var nýverið tekinn upp þar sem hann ræddi við samfanga sína í Moorland fangelsinu í Bretlandi. Johnson var á síðasta ári dæmdur í sex ára fangelsi fyrir að áreita 15 ára stúlku kynferðislega og kyssa hana. 433.is fjallaði um málið fyrr í dag.
Stelpan var harður stuðningsmaður Sunderland, liðinu sem Johnson lék með. Í myndskeiðinu sem fylgir hér að neðan segir hann:
,,Fyrir sex ár í fangelsi hefði ég viljað nauðga henni,“ Þá segir Johnson: ,,Ég tók ekki einu sinni typpið á mér út.“
Johnson á líklega ekki endurkvæmt í enska boltann en hann gæti hugsað sér að fara til Kína eða á slíkan stað þegar afplánun lýkur.
,,Ég á meiri möguleika í öðru landi, ég fæ ekki annan séns á Englandi.“