Fyrrverandi leikmaður Atlanta Braves horfinn

Otis Nixon fór í golf á laugardagsmorgun og hefur ekki sést síðan

Fyrrverandi hafnaboltakappi sem hvarf sporlaust á laugardagsmorgun.
Otis Nixon Fyrrverandi hafnaboltakappi sem hvarf sporlaust á laugardagsmorgun.
Mynd: Twitter

Lögreglan í Georgíu í Bandaríkjunum hefur lýst eftir Otis Nixon, fyrrverandi leikmanni hafnaboltaliðsins Atlanta Braves í bandarísku MLB-deildinni.

Nixon, sem er 58 ára gamall, fór af heimili sínu í grárri Range Rover-bifreið á laugardagsmorgun til að spila golf en hefur ekki sést síðan. Það var kærasta hans sem tilkynnti um hvarfið seinnipart sunnudags.

Ferill Nixons var þyrnum stráður og glímdi hann meðal annars við vímuefnafíkn. Árið 1991 missti hann af leikjum Atlanta Braves í úrslitum MLB eftir að hafa fallið á lyfjaprófi.

Samkvæmt frétt CNN af málinu er enn sem komið er ekki grunur um saknæmt athæfi í tengslum við hvarfið að sögn lögreglu.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.