Sport

Bayern mætir Real Madrid: Leicester og Atletico mætast

Einar Þór Sigurðsson skrifar
Föstudaginn 17. mars 2017 11:14

Evrópumeistarar Real Madrid fá verðugt verkefni í 8-liða úrslitum Meistaradeildar Evrópu en liðið dróst gegn Bayern Munchen. Dregið var í höfuðstöðvum UEFA nú á tólfta tímanum.

Þetta eru tvö af sigursælustu liðum evrópskrar knattspyrnu og ljóst að um tvo hörkuleiki verður að ræða.

Englandsmeistarar Leicester, sem slógu út Sevilla í 16-liða úrslitunum, mæta öðru spænsku liði í 8-liða úrslitunum, Atletico Madrid sem spilaði til úrslita í fyrra.

Þá mætast Monaco og Borussia Dortmund, en Monaco sló Manchester City úr leik í 16-liða úrslitunum í tveimur hörkuleikjum. Borussia Dortmund fór áfram eftir sigur á Benfica.

Loks drógust Barcelona og Juventus saman, en þessi lið léku einmitt til úrslita í Meistaradeildinni vorið 2015 þar sem Barcelona hafði betur.

Leikirnir fara fram 11. og 12. apríl og 18 og 19. apríl

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af