Sport

Bróðir Eiðs Smára til Swansea

Arnór Borg Guðjohnsen á leið til Englands

Einar Þór Sigurðsson skrifar
Þriðjudaginn 14. mars 2017 12:41

Enska úrvalsdeildarfélagið Swansea hefur samið við Arnór Borg Guðjohnsen, sextán ára leikmann Breiðabliks. Arnór er hálfbróðir Eiðs Smára Guðjohnsen, eins besta og sigursælasta leikmanns íslenskrar knattspyrnusögu.

Frá þessu er greint á Blikar.is.

Þar segir að Arnór hafi verið hluti af sterkum 2000 árgangi Breiðabliks sem hefur verið sigursæll í yngri flokkunum. Arnór fór til reynslu til Swansea fyrir skemmstu og þar hafi hann hrifið forráðamenn Swansea sem vildu kaupa hann. Það gekk eftir og mun Arnór ganga í raðir Swansea í sumar.

Eins og kunnugt er leikur Gylfi Þór Sigurðsson með Swansea þar sem hann hefur slegið rækilega í gegn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af