Wayne Rooney gæti orðið sá launahæsti – Engin ávísun á velgengni að spila í Kína
Nokkuð hefur verið skrifað og skrafað um að Wayne Rooney, markahæsti leikmaður í sögu Manchester United, geti bráðlega fetað í fótspor þeirra fjölmörgu leikmanna sem reynt hafa fyrir sér í kínverska boltanum. Á undanförnum misserum hefur hver stjarnan á fætur annarri farið til Kína þar sem launin eru hvergi betri.
Fullyrt hefur verið að Wayne Rooney gæti orðið launahæsti leikmaður heims fari svo að hann semji við lið í kínversku ofurdeildinni. Talað hefur verið um að Rooney gæti fengið 750 þúsund pund á viku sem eru rúmar 100 milljónir króna!
En hvernig hefur stjörnunum í kínverska boltanum vegnað eftir að hafa komið frá félögum í ensku úrvalsdeildinni eða spilað fyrir ensk lið? Breska blaðið Mirror birti nokkur dæmi og er óhætt að segja að sumir þeirra hafi átt erfitt uppdráttar.
Einkunn: 6/10
Pelle sló í gegn með Southampton í enska boltanum áður en hann var seldur til Kína í fyrrasumar. Talið er að Pelle þéni 295 þúsund pund á viku, rúmar 40 milljónir króna, með liði sínu Shandong Luneng. Pelle hefur spilað 15 leiki fyrir liðið og skorað 5 mörk.
Einkunn: 7/10
Brasilíumaðurinn Oscar kom mörgum á óvart fyrir skemmstu þegar hann ákvað að yfirgefa herbúðir Chelsea og halda til Kína. Hann spilar fyrir Shanghai SIPG og þénar um 400 þúsund pund á viku, 55 milljónir króna. Oscar hefur farið ágætlega af stað með liði sínu og skorað í tveimur fyrstu leikjum sínum.
Einkunn: 2/10
Argentínski snillingurinn spilar fyrir Shanghai Shenhua og er launahæsti leikmaður heims með 615 þúsund pund á viku, tæpar 85 milljónir króna. Tevez er sagður óánægður í Kína og með heimþrá. Tevez hefur aðeins spilað einn leik fyrir lið sitt á þeim þremur mánuðum sem liðnir eru frá því hann samdi við Shenhua.
Einkunn: 8/10
Demba Ba hefur nú verið í herbúðum Shanghai Shenhua í eitt og hálft ár. Ba þénar ekki jafn mikið og aðrar erlendar stjörnur, en talið er að hann fái sem nemur 15 milljónum króna á viku. Hann fótbrotnaði illa í fyrrasumar en er á góðum batavegi. Áður en hann fótbrotnaði hafði Senegalinn skorað 20 mörk í 31 leik fyrir lið sitt.
Einkunn: 9/10
Brassinn þótti spila ágætlega fyrir Tottenham en hann samdi við Guangzhou Evergrande árið 2015. Hann er fastamaður í sínu liði og hefur leikið 43 leiki. Þá hefur hann skorað 10 mörk. Félagið hefur unnið kínversku ofurdeildina tvö ár í röð og hefur Paulinho verið í algjöru lykilhlutverki í velgengni liðsins.
Einkunn: 4/10
Brasilíski miðjumaðurinn Ramires yfirgaf Chelsea í janúar í fyrra og samdi við Jiangu Suning. Hann þénar 190 þúsund pund á viku, eða 26 milljónir króna. Á sínu fyrsta tímabili spilaði Brassinn 26 leiki og skoraði 4 mörk. Hann hefur ekki alveg þótt standa undir væntingum og fékk til að mynda að líta rauða spjaldið í sínum fyrsta leik.