Lars Lagerbäck hefur verið ráðinn þjálfari karlalandsliðs Noregs í knattspyrnu. Þetta kom fram á blaðamannafundi hjá norska sambandinu í dag. Lars hefur undanfarið verið til aðstoðar sænska landsliðinu en hann þjálfaði sem kunnugt er Ísland frá árinu 2011 til 2016. Hann lét af störfum eftir frábæran árangur á EM síðastliðið sumar.
Undir stjórn Lars og Heimis Hallgrímssonar komast íslenska landsliðið á sitt fyrsta stórmót í knattspyrnu og liðið hefur aldrei staðið framar á styrkleikalista FIFA.
Lars sagði þegar hann hætti með Ísland að eitthvað mikið þyrfti að koma til svo hann tæki að sér annað landsliðsþjálfarastarf. Hann væri orðinn gamall og vildi eiga rólegt ævikvöld.
Óhætt er að segja að Twitter logi vegna málsins og eru tilfinningarnar blendnar. Kenningar um brotthvarf Lars eru þegar komnar á loft. Ritstjóri 433.is segist þannig hafa heyrt í desember að Lars hefði viljað halda áfram en að aðilar innan KSÍ hefðu viljað að Heimir tæki einn við liðinu.
Útvarpsmaðurinn Hjörvar Hafliðason spyr hvers vegna Lars hafi ekki viljað halda áfram með liðið. „Það hefur eitthvað gengið á.“ Atli Fannar Bjarkason á Nútímanum segir: „Sem sagt: Við hefðum getað haft hann lengur en eitthvað eða einhver klúðraði því.“
Aðrir eru á því að peningar hafi ráðið för. Í Noregi sé enginn skortur á fjármagni.
Saga sem ég heyrði í desember. Lagerback vildi halda áfram með Ísland en aðilar innan KSÍ vildu að Heimir tæki starfið einn
— Hörður S Jónsson (@hoddi23) February 1, 2017
Lalli svaraði fyrir sig. Tók Noreg. Einhver Noregað yfir sig. Við búum á Eyju. Enginn að fara neitt. Eina.
— Guðjón Guðmundsson (@gaupinn) February 1, 2017
Lars tekur við Noregi. Sem sagt: Við hefðum getað haft hann lengur en eitthvað eða einhver klúðraði því.
— Atli Fannar (@atlifannar) February 1, 2017
Eftir stórkostlegt year of Tom 2016 byrjar 2017 ömurlega. Ég verð út árið að ná mér eftir að sjá Lalla taka við Noregi.
— Tómas Þór Þórðarson (@tomthordarson) February 1, 2017
Ok Lars vildi halda áfram í þjálfun. Það hefur eitthvað gengið á. Afhverju vildi hann ekki halda áfram með okkur? #LarsGate
— Hjörvar Hafliðason (@hjorvarhaflida) February 1, 2017
Verð óvinnufær í dag! #fotboltinet https://t.co/KkExr7qLEj
— Elvar Geir Magnússon (@elvargeir) February 1, 2017
Hvað skyldu Norðmenn hafa sem við höfum ekki ??? pic.twitter.com/isAPglG5q7
— Jói Skúli (@joiskuli10) February 1, 2017
Til lykke fodbold Norge @NFF_info Sympatisk person og dygtig træner, der forstår vigtigheden af samarbejde.
— OliK (@OKristjans) February 1, 2017
Lars hefur látið hafa eftir sér að hann hyggist láta norska landsliðið spila eins og það íslenska gerði.