433Sport

Geir ósáttur við val á íþróttamanni ársins: „Þetta gengur ekki lengur“

Einar Þór Sigurðsson
Fimmtudaginn 28. desember 2017 23:42

Geir Þorsteinsson, fyrrverandi formaður Knattspyrnusambands Íslands, virðist ekki vera parhrifinn af valinu á íþróttamanni ársins sem kunngjört var við hátíðlega athöfn í kvöld.

Eins og greint hefur verið frá var kylfingurinn Ólafía Þórunn Kristinsdóttir valin íþróttamaður ársins og eru margir á því að hún hafi átt þessa nafnbót skilið, enda náð frábærum árangri á árinu sem er að líða.

Geir, sem gengdi formennsku KSÍ í áraraðir, gagnrýnir valið á Twitter og virðist óhress með að knattspyrnumaður hafi ekki verið valinn. Aron Einar Gunnarsson og Gylfi Þór Sigurðsson komu á eftir Ólafíu, en íslenska karlalandsliðið náði þeim einstaka árangri á árinu að tryggja sér þátttökurétt í lokakeppni HM.

Geir segir á Twitter:

„Þetta gengur ekki lengur – þurfum að velja íþróttamann og íþróttakonu ársins – fá til verksins hundruði aðila sem til þekkja – knattspyrnumaður ekki valinn ÍMÁ 2017 !!“

https://platform.twitter.com/widgets.js

Ertu sammála Geir? Segðu þína skoðun hér að neðan.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af