Hrafnhildur Lúthersdóttir varð í sjötta sæti í úrslitum í 100 metra baksundi á Ólympíuleikunum í Ríó í nótt. Hún synti á tímanum 1,07,18 mínútum en Íslandsmet hennar í greininni er 1,06,45 mínútur.
Lilly King frá Bandaríkjunum varð ólympíumeistari en hún synti á 1,04,93 mínútum. Rússneska stúlkan vann silfur en tími hennar var 1,05,50 mínútur og Katie Meili frá Bandaríkjunum fékk brons.
Íslensk sundkona hefur aldrei áður náð svona góðum árangri á ólympíuleikum áður. Örn Arnarson náði fjórða sætinu í 200 metra baksundi á Ólympíuleikunum í Sydney 2000.
Hrafnhildur keppir í undanrásum í 200 metra bringusundi á miðvikudaginn.