Allt ætlaði um koll að keyra þegar Marcus Rashford skoraði sigurmark United gegn Hull
Belgíski landsliðsmaðurinn Marouane Fellaini kom konu til bjargar þegar allt ætlaði um koll að keyra undir lok leiks Manchester United og Hull í ensku úrvalsdeildinni í gær.
Fellaini hefur haft það orð á sér að vera nokkuð grófur í leik sínum en sitt sýnist hverjum í þeim efnum.
Marcus Rashford skoraði sigurmark leiksins þegar komið var fram í uppbótartíma og er óhætt að segja að stuðningsmenn Manchester United hafi fagnað markinu ákaft.
Eins og meðfylgjandi myndir bera með sér myndaðist mikill troðningur neðst í stúkunni á KCOM-vellinum, heimavelli Hull, þegar leikmenn United fögnuðu markinu.
Kona á besta aldri lenti í vandræðum og tróðst næstum því undir þegar stuðningsmenn þjöppuðu sér neðst í stúkuna til að vera nær hetjunum sínum. Marouane Fellaini var þó fljótur að benda á að konan væri í vandræðum. Konan mun hafa sloppið ómeidd en ljóst er að verr hefði getað farið.
Fellaini hefur gengið í gegnum endurnýjun lífdaga hjá Manchester United eftir að José Mourinho tók við liðinu. Hann hefur leikið vel á miðjunni hjá United í byrjun tímabils. Eftir leik sagði Mourinho þó að Fellaini hefði meiðst í leiknum og líkur væru á að Fellaini yrði frá keppni næstu vikurnar.
Well done Fellaini for helping out a lady in the #MUFC crowd after fans spilled over the barrier celebrating!#HULMUN pic.twitter.com/hDvA9b1jk2
— Charlotte Hodges (@CharHodges88) August 27, 2016