Sport

Gylfi verður áfram hjá Swansea: Jón Daði keyptur til Wolves

Einar Þór Sigurðsson
Þriðjudaginn 2. ágúst 2016 12:52

Jón Daði er kominn til Wolves.
Úlfarnir Jón Daði er kominn til Wolves.

Mynd: Heimasíða Wolves

Gylfi Þór Sigurðsson hefur skrifað undir nýjan fjögurra ára samning við Swansea í ensku úrvalsdeildinni. Swansea tilkynnti þetta á heimasíðu sinni nú í hádeginu.

Gylfi, sem lék vel með íslenska landsliðinu á Evrópumótinu í sumar, hefur verið algjör lykilmaður hjá Swansea, en hann gekk í raðir félagsins frá Tottenham sumarið 2014. Síðan þá hefur hann leikið 88 leiki með liðinu og skorað 27 mörk, þar af 18 í úrvalsdeildinni. Gylfi lék sem lánsmaður hjá Swansea fyrri hluta árs 2012 og skoraði þá 7 mörk í 18 leikjum í úrvalsdeildinni.

Þá tilkynnti Wolves, sem leikur í Championship-deildinni á Englandi, að félagið hefði klófest Jón Daða Böðvarsson frá Kaiserslautern í Þýskalandi. Jón Daði átti, líkt og fleiri leikmenn íslenska landsliðsins, gott Evrópumót og skoraði hann til dæmis mikilvægt mark í sigrinum á Austurríki. Talið er að Wolves borgi þýska félaginu 2,7 milljónir punda fyrir leikmanninn.

„Þetta er félag með mikinn metnað, magnaða sögu og góða aðstöðu,“ segir Jón Daði í viðtali á heimasíðu Wolves, en QPR sýndi honum einnig áhuga.

Sannarlega góðar fréttir af íslensku landsliðsmönnunum eftir frábæra frammistöðu liðsins á EM í sumar. Hér að neðan má sjá viðtal við Gylfa sem birtist á heimasíðu Swansea og svipmyndir af mörkum hans fyrir félagið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Í gær

Gylfi er trúaður og hefur skoðun á íslenskri pólitík: ,,Ég fer með bænir á kvöldin“

Gylfi er trúaður og hefur skoðun á íslenskri pólitík: ,,Ég fer með bænir á kvöldin“
433Sport
Í gær

Pétur var brjálaður út í Grétar Rafn: Hélt að hann væri fimmti Bítilinn – ,,Þetta sýnir þvílíka heimsku“

Pétur var brjálaður út í Grétar Rafn: Hélt að hann væri fimmti Bítilinn – ,,Þetta sýnir þvílíka heimsku“
433Sport
Fyrir 2 dögum

Mögnuð saga af Arnóri sem lék sinn fyrsta landsleik í kvöld – KSÍ vildi ekki sjá hann fyrir þremur árum

Mögnuð saga af Arnóri sem lék sinn fyrsta landsleik í kvöld – KSÍ vildi ekki sjá hann fyrir þremur árum
433Sport
Fyrir 2 dögum

Það sem þjóðin hafði að segja yfir landsleiknum – ,,Af hverju fær hann pening fyrir að spila fótbolta?“

Það sem þjóðin hafði að segja yfir landsleiknum – ,,Af hverju fær hann pening fyrir að spila fótbolta?“