Dýrasti leikmaður heims,Paul Pogba, gæti leikið sinn fyrsta leik með Manchester United í kvöld þegar liðið tekur á móti Southampton á Old Trafford í fyrsta leik 2.umferðar ensku úrvalsdeildarinnar í knattspyrnu. Pogba er í leikmannahópi Manchester Unietd en hann hefur æft með liðinu í ellefu daga síðan hann kom til liðsins að loknum sumarfríi. Manchester United vann góðan útisigur á Bournemouth í fyrstu umferðinni.
Jose Mourinho, knattspyrnustjóri, hefur valið Pogba í leikmannahópinn en ekki þykir líklegt að hann leiki í 90 mínútur. Jesse Lingard sem lék ekki með gegn Bournemouth í fyrsta leiknum vegna meiðsla er kominn aftur inn í hópinn og sömuleiðis Chris Smalling.
Á laugardag leika Stoke- Manchester City, Swnsea-Hull, Tottenham-Crystal Palace, Watford-Chelsea, West Brom-Everton og Leicester-Arsenal. Umferðinni lýkur síðan á sunnudag en þá mætast West Ham-Bournemouth og Sunderland-Middlesbrough.