Hrafnhildur Lúthersdóttir sundkona lauk keppni á Ólympíuleikunum í Ríó í nótt. Hrafnhildur synti á tímanum 2:24,41 í undanúrslitum 200 metra bringusunds kvenna sem tryggði henni ellefta sæti í keppninni.
Hrafnhildur er fyrsta Íslenska konan sem kemst í undanúrslit á Ólympíuleikum í sundi í tvígang og varð í vikunni sú fyrsta til að komast í úrslitasund á Ólympíuleikum þegar hún tryggði sér sjötta sætið í 100 metra bringusundi.
Eygló Ósk Gústafsdóttir keppir í 200 metra baksundi á leikunum í dag.
