Bandaríski sundmaðurinn Michael Phelps er hreint óstöðvandi á Ólympíuleikunum í Ríó. Í nótt bætti hann tveimur við tveimur gullverðlaunum og hefur því til 21. gullverðlauna á þeim fimm leikum sem hann hefur tekið þátt í. Í nótt vann hann fyrra gullið í 200 metra flugsundi og það síðara þegar hann synti í boðsundssveit Bandaríkjamanna í 4 x 200 metra skriðsundi. Þetta voru þriðju gullverðlaunin sem hann vinnur á leikunum í Ríó.

Phelps gefur ekkert eftir þrátt fyrir að hann sé orðinn 31 árs gamall sem þykir hár aldur af sundmanni að vera. Allt leit út fyrir að hann myndi hætta eftir Ólympíuleikana í London þar sem vann til fernra gullverðlauna. Í kjölfarið á þeim tók hann sér tveggja ára hvíld og héldu flestir að hann myndi ekki snúa til baka. Fyrir tveimur árum síðan hóf hann æfingar að nýju og kemur heldur betur sterkur inn á leikana í Ríó.

Hvað kappinn ætlar að gera eftir leikana í Ríó skal ósagt látið en Phelps segir sjálfur enga ákvörðun liggja fyrir í þeim efnum.