„Ég er mjög ánægður að vera kominn í herbúðir Burnley. Þetta er félag sem sýndi mér mikinn áhuga og andrúmsloftið í kringum félagið er frábært,“ sagði Jóhann Berg Guðmundsson á heimasíðu Burnley en hann var formlega kynntur sem nýr leikmaður félagsins í morgun.
Sean Dyche, knattspyrnustjóri Burnley, segir mikil gæði í Jóhanni Berg og koma hans til félagsins er mikill styrkur. Við höfum fylgst með honum lengi og ennfremur á Evrópumótinu.
Jóhann Berg skrifaði undir þriggja ára samning við Burnley sem eru nýliðar í ensku úrvalsdeildinni.