Sænski framherjinn Zlatan Ibrahimovic hefur staðfest að hann sé á leið til Manchester United. Þetta hefur lengi legið í loftinu en um mánuður er síðan greint var frá því að Zlatan væri við það að semja við United.

Zlatan hefur leikið með Paris Saint-Germain í Frakklandi undanfarin ár en samningur þessa frábæra leikmanna rennur út á morgun, 1. júlí.

Zlatan þótti tímabært að reyna fyrir sér á öðrum vettvangi og verður spennandi að sjá hann í ensku úrvalsdeildinni næsta vetur. Zlatan mun hitta fyrir José Mourinho, en þeir eru góðir félagar síðan Zlatan lék með Inter undir stjórn Mourinho.