Jose Mourinho verður næsti knattspyrnustjóri liðsins
Búið er að reka knattspyrnustjóra Manchester United, Louis van Gaal, en gengi liðsins var undir væntingum á síðustu leiktíð. Jose Mourinho verður ráðinn í hans stað.
BBC greinir frá. Louis van Gaal hefur stýrt Manchester United undanfarin tvö ár en hann átti eitt ár eftir samningi sínum þegar honum var gert að taka pokann sinn.
Undanfarna daga hefur verið hávær orðrómur um að Van Gaal myndi missa starfið þrátt fyrir að hafa gert United að bikarmeisturum um helgina.
Talið er að það verði gert opinbert á morgun, eftir fund með stjórnarmönnum Manchester United, að Mourinho verði næst knattspyrnustjóri liðsins.