Aron Pálmarsson, landsliðsmaður í handbolta og leikmaður Vezprém í Ungverjalandi, lét uppeldisfélag sitt, FH, heyra það á Twitter í gærkvöldi eftir að liðið tapaði fyrir Aftureldingu í 8-liða úrslitum Olísdeildar karla í handbolta.
Með tapinu í gærkvöldi er FH komið í sumarfrí en Afturelding komið í undanúrslit. FH endaði í sjötta sæti deildakeppninnar og varð til að mynda tuttugu stigum á eftir deildarmeisturunum og erkifjendunum í Haukum.
Aron, sem varð bikarmeistari með liði sínu í Ungverjalandi í gær, lét að sér kveða á Twitter í gærkvöldi þar sem hann sakaði FH liðið um áhugamennsku. Þá setti hann stórt spurningamerki við þjálfara liðsins, Halldór Jóhann Sigfússon. Hér að neðan má sjá færslur Arons á Twitter.
Burtu með þennan coach! Detta ut i 8 lida er skandall fyrir felag eins og FH! Setja standard! Skandall!! #olisdeildin
— Aron Pálmarsson (@aronpalm) April 17, 2016
Finn coach maybe, eg verd samt ad skjota a mitt felag, sami coach i kk og kvk?!lHvada helv amateur-ismi er thad?! 9 stig i kvk og 8 lida kk?
— Aron Pálmarsson (@aronpalm) April 17, 2016
Ætla lika ad skjota a stjornina… Með allri virðingu, hvaða lið erum við með?! Peningar og allt þad er afsökun en gerid betur. Skandall
— Aron Pálmarsson (@aronpalm) April 17, 2016
Ég er alinn upp við það að við seum stærsti klubbur landsins og vid gerum allt fyrir felagid, þessa þra se eg ekki i minu felagi i dag!
— Aron Pálmarsson (@aronpalm) April 17, 2016