HSÍ tilkynnir um ráðninguna í dag – Ráðningin dregist á langinn vegna starfsloka Geirs við Magdeburg
Geir Sveinsson verður kynntur sem nýr landsliðsþjálfari íslenska karlalandsliðsins í handbolta í dag. Handknattleikssamband Íslands (HSÍ) mun halda blaðamannafund í dag og samkvæmt heimildum Vísis verður Geir þá formlega kynntur sem þjálfari liðsins.
Landliðið hefur verið án þjálfara eftir að Aron Kristjánsson hætti sem þjálfari liðsins í janúar á þessu ári.
Geir þjálfaði síðast þýska úrvalsdeildarliðið Magdeburg en hann sagði upp hjá félaginu í desember á síðasta ári. Samkvæmt frétt Vísis hefur ráðning Geirs, sem landsliðsþjálfari, dregist á langinn vegna viðræðna um starfslok við þýska liðið.
Fundurinn hefst klukkan 15:30.
