Carolina Panthers mæta Denver Broncos í Kaliforníu – Bandaríkjamenn eyða milljörðum í snarl í kvöld
Úrslitaleikurinn í ameríska fótboltanum eða Ofurskálin (e. Superbowl), eins og leikurinn er kallaður fer fram í 50 skipti í kvöld. Leikurinn er einn allra vinsælasti íþróttaviðburður ársins og horfa hundruð milljóna á hann í sjónvarpi.
Á meðan leikurinn fer fram er vinsælt að fá sér snarl og eru kartöfluflögur, kjúklingavængir og bjór fyrsti kostur ansi margra. Samkvæmt tölum frá samtökum smásöluaðila í Bandaríkjunum borða Bandaríkjamenn mörg tonn af ýmiskonar snarli yfir leiknum.
Talið er að hátt í 200 milljónir Bandaríkjamanna muni fylgjast með leiknum. Á þeim tíma er gert ráð fyrir að fjögur tonn af ídýfu verði borðið með um 14 tonnum af flögum.
Þá verða um fjögur tonn af poppkorni borðuð yfir leiknum og 1,2 milljarðar kjúklingavængja.
Þá hafa samtökin reiknað út meira en þúsund milljón lítrar af bjór verði drukkinn yfir leiknum í kvöld.
Heildarkostnaður fyrir veitingarnar og veigarnar er áætlaður um 15,5 milljarðar dollara.
Leikurinn fer fram Levi‘s-leikvanginum í Kaliforníu, sem tekur um 75 þúsund áhorfendur. Þar mætast Carolina Panthers, sigurvegarar NFC-deilarinnar, og Denver Broncos, sigurvegarar AFC-deildarinnar.
Þó fótboltaleikurinn sé aðalnúmer kvöldsins bíða eflaust margir einnig eftir hálfleikssýningu leiksins, sem er iðurlega stórglæsileg. Að þessu sinni mun breska rokkhljómsveitin Coldplay spila í hálfleik ásamt því að Beyoncé og Bruno Mars munu stíga á svið.
Ofurskálin hefst klukkan 23:00 á íslenskum tíma.