Mikil áhætta fylgir því að nota vefsíður sem bjóða upp á ólöglegt streymi íþróttaviðburða. Þetta kemur fram í nýrri breskri rannsókn um notkun slíkra vefsíðna.

Rannsóknin var framkvæmd af vísindamönnum við Stony Brook háskólann í Bretlandi. Þar segir að ólöglegt streymi íþróttaviðburða hafi aukist verulega á síðustu árum en stærstu síðurnar eru með um átta milljónir notendur í hverjum mánuði.

Samkvæmt rannsókninni inniheldur helmingur þessara vefsíðna hættulega tölvuvírusa. Þá inniheldur stór hluti þeirra einnig ágengar auglýsingar sem hegða sér á svipaðan hátt og vírusar og geta valdið vandræðum.

Í einhverjum tilfellum eru notendur beðnir um að sækja ýmis aukaforrit til þess að geta horft á efni í beinni útsendingu. Slík forrit innihalda þó oft alvarlega vírusa sem bæði getur reynst erfitt að losna við og „geta smitað út frá sér.“

Niðurstaða rannsóknarinnar er því að „hættulegt“ sé að nota vefsíður þar sem boðið er upp á ólöglegt streymi íþróttaviðburða þar sem vefsíðurnar eru fullar af vírusum.