Ross Barkley, Virgil van Dijk og Dimitri Payet þar á meðal
Janúarglugginn opnast von bráðar og má búast við því að sum félög í ensku úrvalsdeildinni reyni að styrkja sig á meðan önnur reyna að minnka launakostnað og losa sig við leikmenn. Breska ríkisútvarpið, BBC, tók saman lista yfir nokkra leikmenn sem gætu fært sig um set í janúar.
Félag: Manchester United
Aldur: 27 ára
Staða: Miðjumaður
Schneiderlin er úti í kuldanum hjá José Mourinho og hefur Portúgalinn látið hafa eftir sér að hann muni ekki standa í vegi fyrir Frakkanum, kjósi hann að færa sig um set. Hefur verið orðaður við Everton og WBA en líklegt þykir að hann muni kosta 24 milljónir punda.
Félag: Southampton
Aldur: 25 ára
Staða: Varnarmaður
Virgil van Dijk hefur verið einn besti varnarmaður deildarinnar í vetur og hefur ítrekað verið orðaður við stærri félög. Southampton hefur ávallt selt sína bestu leikmenn og líklegt þykir að van Dijk verði næstur. Hann hefur verið orðaður við Chelsea, Manchester United og Manchester City og mun að líkindum ekki kosta minna en 35 milljónir punda.
Félag: Liverpool
Aldur: 26 ára
Staða: Varnarmaður
Sakho er prýðisgóður varnarmaður en hann er úti í kuldanum hjá Jurgen Klopp og hefur ekki byrjað leik síðan hann var sendur heim úr æfingaferð Liverpool í Bandaríkjunum í sumar. Sakho er orðaður við sitt gamla félag, PSG í Frakklandi, en auk þess er franska félagið Lille talið hafa áhuga. Þá er WBA orðað við kappann sem líklega mun kosta um 12-13 milljónir punda.
Félag: Everton
Aldur: 23 ára
Staða: Miðjumaður
Ross Barkley hefur átt erfitt uppdráttar undir stjórn Ronald Koeman hjá Everton í vetur og gæti vel farið svo að þessi öflugi leikmaður færi sig um set í janúar. Barkley var talið eitt mesta efni enskrar knattspyrnu fyrir nokkrum árum. Barkley hefur einna helst verið orðaður við Tottenham að undanförnu og er talið að hann muni kosta um 35 milljónir punda.
Félag: West Ham
Aldur: 29 ára
Staða: Miðjumaður
Payet var einn besti leikmaður ensku úrvalsdeildarinnar síðasta vetur en hann hefur átt erfitt uppdráttar í vetur, eins og fleiri leikmenn West Ham reyndar. Þessi frábæri leikmaður hefur verið orðaður við Arsenal og Manchester United og mun að líkindum ekki kosta minna en 30-35 milljónir punda.
Félag: Manchester United
Aldur: 22 ára
Staða: Vængmaður
Memphis Depay var kjörinn leikmaður ársins í Hollandi fyrir tveimur árum en hefur ekki náð að festa sig í sessi hjá Manchester United. Enginn efast um hæfileika leikmannsins sem hefur fengið afar fá tækifæri undir stjórn José Mourinho í vetur. Depay hefur verið orðaður við Everton, Lazio og Sevilla og gæti kostað um 15 milljónir punda verði hann á annað borð seldur.
Félag: Chelsea
Aldur: 29 ára
Staða: Markvörður
Begovic fær lítið að spila hjá Chelsea enda er fyrir í búrinu eitt stykki Thibaut Courtois. Begovic er of góður markvörður til að sitja á bekknum, leiktíð eftir leiktíð, eins og hann sýndi hjá Stoke á sínum tíma. Hefur verið orðaður við Stoke og West Ham að undanförnu og gæti vel farið svo að hann verði lánaður frá Chelsea í janúar.
Félag: Celtic
Aldur: 20 ára
Staða: Framherji
Moussa Dembele hefur slegið rækilega í gegn hjá Celtic í Skotlandi í vetur og skorað 18 mörk á tímabilinu. Dembele, sem er Frakki, er talinn einn efnilegasti framherji heims um þessar mundir og hefur hann verið orðaður við félög eins og Liverpool og Manchester City. Líklegt þykir að hann muni kosta um 20 milljónir punda sem þykir ekki ýkja mikið.
Félag: Benfica
Aldur: 22 ára
Staða: Varnarmaður
Þessi ungi og efnilegi Svíi hefur verið orðaður við Manchester United að undanförnu og hafa breskir fjölmiðlar gengið svo langt að fullyrða að kaupin séu nánast frágengin. Er algjör lykilmaður í liði Benfica og mun að líkindum kosta um 38 milljónir punda.
Félag: Real Madrid
Aldur: 25 ára
Staða: Miðjumaður
James Rodriguez er hálfgerð varaskeifa hjá Real Madrid og ku vera orðinn þreyttur á bekkjarsetunni á Bernabeu. Þessi öflugi sókndjarfi kólumbíski miðjumaður hefur verið orðaður við lið eins og PSG og Inter og ljóst er að hann mun ekki fást ódýrt. Talið er að Real Madrid vilji fá 70 milljónir punda fyrir kappann.