Dagur Sigurðsson, þjálfara þýska landsliðsins í handbolta, tekur við japanska landsliðinu eftir HM í Frakklandi á næsta ári. Þetta kemur fram í yfirlýsingu sem birtist á vef þýska handknattleikssambandsins.

Dagur hafði verið orðaður við stöðuna í þó nokkurn tíma en nú er endanlega ljóst að Dagur er á leið til Japans. „Okkur þykir miður að hafa ekki tekist að sannfæra Dag um að halda áfram þjálfun landsliðsins en við virðum ákvörðun hans. Við erum þakklát fyrir störf hans,“ segir Andreas Michelmann, forseti þýska handboltasambandsins, í yfirlýsingunni.

Óhætt er að segja að Dagur hafi náð frábærum árangri með þýska liðið, en sem kunnugt er urðu Þjóðverjar Evrópumeistarar í janúar. Þessum góða árangri var svo fylgt eftir með bronsverðlaunum á Ólympíuleikunum í Ríó í sumar.