Kynslóðaskipti hafa orðið í landsliðinu – Tíminn líður og tveir eru á fimmtugsaldri
Aðeins fjórir leikmenn af þeim fjórtán sem stóðu hróðugir á verðlaunapalli á Ólympíuleikunum í Peking árið 2008, með silfurpening um hálsinn, eru í nýjasta landsliðshópi Geirs Sveinssonar landsliðsþjálfara. Tíminn líður hratt því silfurdrengirnir okkar eru flestir hættir handboltaiðkun eða hættir að spila með landsliðinu. Tveir þeirra eru meira að segja strangt til tekið á fimmtugsaldri!
Auk þessara fjögurra eru tveir til þrír enn að spila handbolta, þótt þeir hafi ekki verið valdir í landsliðið árum saman.
Í vikunni tilkynntu tveir silfurdrengir, Alexander Petersson og Snorri Steinn Guðjónsson, að þeir væru hættir að leika með landsliðinu. Það er nokkuð áfall fyrir liðið en þeir hafa þjónað landsliðinu – og stundum borið það uppi – um langt árabil. Nýir leikmenn fá nú tækifæri.
DV tók saman hvar silfurdrengirnir okkar eru í dag. Úttektin sýnir að með nýjustu fregnum hafa næstum algjör kynslóðaskipti orðið í landsliðinu, frá því það stóð á palli í Peking í ágúst 2008, fyrir heilum átta árum.
Staða: Skytta
Aldur: 34 ára
Leikur með Nimes í Frakklandi, eins og Snorri Steinn. Er enn í lykilhlutverki í landsliðinu.
Staða: Leikstjórnandi
Aldur: 35 ára
Markahæstur í frönsku deildinni, þar sem hann leikur með Nimes. Tilkynnti í vikunni að hann væri hættur með landsliðinu.
Staða: Línumaður
Aldur: 36 ára
Leikur með Århus í Danmörku og var ekki valinn í síðasta landsliðshóp. Það gæti þó breyst í næstu verkefnum.
Staða: Hornamaður
Aldur: 36 ára
Hefur ekki verið í landsliðinu lengi en er viðloðandi handboltaliðið hjá ÍR í næstefstu deild karla. Virðist hafa lagt skóna á hilluna.
Staða: Varnarmaður
Aldur: 36 ára
Ingimundur spilar með Akureyri og hefur ekki verið í landsliðinu um langa hríð.
Staða: Skytta
Aldur: 36 ára
Hættur með landsliðinu en spilar með Rhein Neckar Löwen í Þýskalandi.
Staða: Skytta
Aldur: 34 ára
Hættur handboltaiðkun og rekur eigið einkaþjálfunarfyrirtæki, Fjarform.
Staða: Varnarmaður
Aldur: 39 ára
Hættur að spila handbolta en þjálfar karlalið Akureyrar í Olís-deildinni.
Staða: Varnarmaður/Línumaður
Aldur: 41 árs
Löngu hættur í handbolta. Starfar við fisksölu.
Staða: Markvörður
Aldur: 35 ára
Hefur ekki verið valinn í landsliðið lengi en spilar með Halden Topphåndball í Noregi.
Staða: Skytta
Aldur: 43 ára
Hefur lagt skóna á hilluna. Hefur eitthvað komið að þjálfun auk þess að hanna hugbúnaðarforrit.
Staða: Markvörður
Aldur: 31 árs
Enn í landsliðinu og hefur spilað lengi í Þýskalandi. Kom á óvart í vikunni með því að semja við Hauka í Olís-deildinni.
Staða: Skytta
Aldur: 32 ára
Spilar með Álaborg í Danmörku og er enn lykilmaður í landsliðinu.
Staða: Hornamaður
Aldur: 37 ára
Neitar að eldast og spilar enn á hæsta stigi. Leikur með Rhein-Neckar Löwen í Þýskalandi. Enn lykilmaður í landsliðinu.
