Íslenska a-landsliðið í knattspyrnu karla leikur vináttuleik við Írland 28. mars næstkomandi. Leikurinn fer fram á Aviva leikvanginum í Dublin, en hann tekur 51.700 áhorfendur.
Fram kemur á vefsíðu KSÍ að leikurinn sé liður í undirbúningi landsliðsins vegna undankeppni HM. Ísland leikur við Kosovó á útivelli fjórum dögum fyrrr, eða 24. mars.
Landsliðið hafa mæst tíu sinnum á knattspyrnuvellinum en Írar unnu sjö af þeim viðureignum. Í þrjú skipti skildu liðin jöfn. Ísland hefur sem sagt aldrei unnið Íra.
Síðast mættust liðin á Laugardalsvelli 1997. Þá unnu Írar 2-4. Brynjar Björn Gunnarsson og Helgi Sigurðsson skoruðu mörk Íslands í þeim leik.
Svona var byrjunarlið Íslands í þeim leik, til gamans:
1 Kristján Finnbogi Finnbogason (M)
2 Lárus Orri Sigurðsson
3 Hermann Hreiðarsson
4 Sigurður Jónsson
5 Brynjar Björn Gunnarsson
6 Rúnar Kristinsson
7 Guðni Bergsson (F)
8 Eyjólfur Sverrisson
9 Þórður Guðjónsson
10 Einar Þór Daníelsson
11 Helgi Sigurðsson