Handboltakappinn Alexander Petersson hefur leikið sinn síðasta landsleik. Þetta kemur fram í viðtali í Morgunblaðinu í dag. „Ég hef hugsað um þetta lengi og nú held ég að þetta sé rétti tíminn til að hætta og gefa yngri leikmönnum tækifæri til að taka við mínu hlutverki,“ hefur blaðið eftir Alexander. Ákvörðunin hafi verið erfið en meiðsli hafi lengi aftrað honum frá því að geta beitt sér að fullu með landsliðinu. „Nú er einfaldlega kominn tími til að segja stopp.“

Alexander hefur verið burðarás í landsliðinu um árabil. Eftirminnilegasta atvikið af landsliðsferli hans var líkega þegar hann stöðvaði hraðaupphlaup Pólverja þegar skammt var eftir af leiknum um bronsið á EM 2010. Tveggja marka munur var á liðunum, Íslandi í vil, og spennan að nálgast suðupunkt.