Þýska meistaraliðið Kiel hefur gert tilboð í stórskyttuna Aron Pálmarsson. Aron, sem leikur með Veszprém í Ungverjalandi, lék með Kiel á árunum 2009 til 2015. Aron staðfestir að tilboð liggi fyrir við þýska blaðið Kieler. RÚV greinir frá þessu.
„Ég hugsa öll mín mál vel og vandlega áður en ég ákveð mig. Hugsanlega gerist ekkert í mínum málum fyrr en í sumar,“ er haft eftir Aroni. Hann bendir þó á að fyrir liggi að þeir sem vilji kaupa hann þurfi að kaupa upp samninginn hans hjá Veszprém.
Alfreð Gíslason þjálfar Kiel og hefur í viðtölum lýst eftirsjá sinni yfir því að hafa misst Aron frá sér.
