Tapaði fyrir þriðja besta júdómanni heims

Það var stutt glíman hjá Þormóði Jónssyni júdókappa sem féll úr leik strax í fyrstu umferð, 64 manna úrslitum í +100 kg flokki á Ólympíuleikunum. Þormóður tapaði fyrir þriðja besta júdómanni heims, Rafael Silva frá Brasilíu.

Glíman hafði aðeins staðið í 1 mínútu og 48 sekúndur þegar Silva náði ipponi. Ekki er hægt að fá uppreisnarglímu í fyrstu umferð á ÓL og Þormóður er því úr leik.

RÚV greinir frá