Hrafnhildur sátt en langt frá sínu besta

Hrafnhildur Lúthersdóttir, sundkona úr Sundfélagi Hafnarfjarðar, var talsvert frá sínu besta í undanrásum í 200 metra bringusundi á Ólympíuleikunum í London í morgun.

Eins og áður hefur komið fram hefur Hrafnhildur glímt við meiðsli undanfarið, en hún slasaðist á olnboga rétt fyrir leikana, eftir komuna til London.

Hrafnhildur varð þriðja sæti í sínum riðli en hún synti á 2:29,60 mínútum, það er rúmum tveimur sekúndum frá Íslandsmeti hennar sem sett var í vor og var 2:27,11.

Í viðtali á Vísir.is segist Hrafnhildur vera sátt, tíminn hafi verið betri en hún hélt að hún myndi synda á í ljósi aðstæðna.