Þjóðverjinn Jurgen Klinsmann er sagður líklegastur til að taka við enska úrvalsdeildarliðinu Tottenham fari svo að Harry Redknapp yfirgefi það til að verða landsliðsþjálfari Englands.

Þetta kemur fram í breska blaðinu Sunday Mirror en Klinsmann er í dag þjálfari bandaríska landsliðsins. Klinsmann er goðsögn hjá Tottenham eftir að hafa leikið með liðinu tvívegis á sínum ferli og sjálfur hefur Klinsmann ávallt talað vel um veru sína á Englandi.

Eftir frækinn feril sinn sem leikmaður tók Klinsmann við þýska landsliðinu og stýrði því til þriðja sæti á HM í Þýskalandi árið 2007. Hann þjálfari FC Bayern tímabilið 2008/2009 en tók svo við Bandaríkjunum í fyrra.