Það er ekki á hverjum degi sem íslenskir knattspyrnuáhugamenn fá fréttir úr boltanum í Bólivíu. En þegar tilefni er til þá er sjálfsagt að dást að tilþrifum sem þessum.

Markið sem sjá má á meðfylgjandi myndbandi skoraði hinn 23 ára framherji Erlan Mealla sem afgreiddi fyrirgjöf frá liðsfélaga sínum í Nacional Potosi með stakri prýði. Tilþrifunum má lýsa sem einhverskonar fljúgandi hælspyrnu.

Það sem gerir markið enn skemmtilegra er að það reyndist sigurmarkið í leik Potosi gegn liðinu The Strongest (já, liðið heitir það).
Markið má sjá hér fyrir ofan: