Flestir Íslendingar munu styðja Dani í úrslitaleik Evrópumótsins í handbolta í dag enda yki sigur Dana líkur Íslands á sæti á Ólympíuleikunum í London.

Ef Danirnir sigra Serba lenda Íslendingar í tiltölulega léttari riðli í undankeppni fyrir Ólympíuleikana. Þá færi Ísland í riðil með Japan, Króatíu og Síle en tvær efstu þjóðirnar í riðlinum tryggja sér sæti á Ólympíuleikunum.

Ef Serbar hafa sigur af hólmi lenda Íslendingar í riðli með Spáni, Slóveníu og Brasilíu. Slóvenar stóðu sig mætavel á Evrópumótinu, sigruðu Íslendingaa og lentu í sjötta sæti.

Úrslitaleikur Dana og Serba hefst klukkan 16 í dag.