Enska hálfatvinnumannaliðið FC United of Manchester sem stuðningsmenn félagsins stofnuðu í mótmælaskyni við eigendur Manchester United, Glazer-fjölskylduna, er að stækka við sig.

Félagið hefur fengið leyfi frá borgaryfirvöldum í Manchester til að byggja nýjan 4,5 milljóna punda keppnisvöll auk félagsheimilis, tvo barnavelli og gervigrasvöll í fullri stærð. FC United spilar í efstu deild Northern Premier League sem er ein af utandeildum Englands. Liðið endaði í fjórða sæti þeirrar deildar á síðasta ári en tapaði í umspili um að komast enn hærra í deildarkerfinu.