Íþróttafréttamaðurinn Adolf Ingi Erlingsson hefur slegið í gegn með skrautlegum innslögum sínum fyrir vef evrópska handknattleikssambandsins á yfirstandandi Evrópumeistaramóti. Í dag rifjar Adolf upp gamalkunna takta frá því í Íþróttaspeglinum fyrir 20 árum síðan.

Adolf Ingi skellti sér nefnilega á klappstýruæfingu með föngulegum serbneskum stúlkum í Beogradska-höllinni. Adolf ræðir stuttlega við þær um þeirra hlutverk á mótinu og ákveður síðan að stíga nokkur tryllt spor með stúlkunum.

Myndband af innslagi Adolfs Inga má sjá hér fyrir ofan en hér fyrir neðan má í upphafi myndbands sjá sögufræga danstakta hans í Íþróttaspeglinum árið 1992. Þetta er auðvitað gargandi snilld.