Guðmundur Guðmundsson, þjálfari íslenska liðsins í handknattleik, hefur gert tvær breytingar á landsliðshópnum fyrir keppni í milliriðlum á Evrópumótinu í Serbíu og fara þeir Oddur Grétarsson og Hreiðar Levy Guðmundsson heim og í stað þeirra koma Rúnar Kárason og markvörðurinn Aron Rafn Eðvarðsson inn í þeirra stað. Þetta ef fyrsta stórmót þeirra Rúnars og Arons Rafns með landsliðinu. Íslenska liðið fer til Novi Sad frá Vrsac í dag þar sem milliriðill tvö verður leikinn en Ísland mætir þar Ungverjum, Spánverjum og Frökkum. Fyrsti leikur liðsins er gegn Ungverjum á morgun.
RÚV greinir frá.