Á Youtube-vef evrópska handknattleikssambandsins má finna samantektir úr öllum leikjum EM og viðtöl við leikmenn. Það er hinn góðkunni íslenski íþróttafréttamaður, Adolf Ingi Erlingsson, sem sér um þann lið fyrir EHF og tekur eðlilega viðtölin á ensku.

EHF sjónvarpið var í Vrsac í gær þar sem Ísland tapaði naumlega fyrir Króatíu, 31-29, og má hér að ofan sjá samantekt úr leiknum og viðtöl við Ivano Balic, Guðjón Val Sigurðsson, Aron Pálmarsson og varnartröllið Vigni Svavarsson.