Nú er hálfleikur í leik Íslands og Króata á Evrópumeistaramótinu í handbolta. Íslenska liðið leiðir 15-14 og hefur leikið ágætlega það sem af er.

Leikurinn var gríðarjafn framan af en Ísland hefur að mestu haft yfirhöndina. Mestur varð munurinn 12-9 Íslandi í vil á 22. mínútu eftir góðan kafla Strákanna okkar einum færri.

Björgin Páll Gústavsson hefur náð sér á strik og varið ein 6 skot það sem af er. Guðjón Valur Sigurðsson er markahæstur Íslendinga með 4 mörk, þar af tvö úr víti, og Arnór Atlason hefur skorað 3. Hjá Króatíu er Manuel Štrlek markahæstur með 4 mörk