Tékkar unnu Þjóðverja í opnunarleik Evrópumeistaramótsins í handbolta í Serbíu nú í kvöld. Tékkar unnu leikinn með 27 mörkum gegn 24 mörkum Þjóðverja. Tékkneska liðið var yfir frá fyrstu mínútu og var staðan 14-9 í hálfleik.

Þjóðverjar náðu sér aðeins á strik í seinni hálfleik og náðu að minka muninn í eitt mark, 20 mörk gegn 19, þegar um sextán mínútur voru eftir af leiknum. Tékkar gáfu þó ekkert eftir og voru talsvert sterkari á lokamínútum leiksins og unnu.