Serbar sigruðu í kvöld Pólverja á Evrópumeistaramótinu í handbolta sem fram fer í Serbíu. Heimamenn sigruðu nokkuð örugglega með 22 mörkum gegn 18 mörkum Pólverja. Varnarleikur serbneska liðsins var góður og var fjögurra marka munur á liðunum í hálfleik, 11-7.

Marko Vujin og Ivan Mikcevic skoruðu flest mörk í serbneska liðinu með sex mörk hvor. Karol Bielecki var markahæstur í liði Pólverja með fjögur mörk og næstur á eftir honum var Michal Jurecki með þrjú mörk.