Leikur Svía og Makedóníumanna endaði með jafntefli í kvöld á Evrópumeistaramótinu í handbolta sem fram fer í Serbíu. Bæði lið skoruðu 26 mörk í leiknum. Liðin skiptust á um að hafa forustu í leiknum en mest munaði fjórum mörkum á liðunum þegar um fjörtíu mínútur voru liðnar af leiknum.

Markahæsti leikmaður Svía, sem voru taldir sigurstranglegri fyrirleikinn, var Niclas Ekberg með sex mörk. Sjojanche Stoilov og Stevche Alushovski voru hinsvegar markahæstir í makedónska liðinu með sjö mörk hvor.