Þýski ökuþórinn Sebastian Vettel verður á ráspól í Formúlu 1 kappakstrinum sem fram fer á Monza-brautinni á Ítalíu á morgun. Hann náði besta tíma í tímatökunum fyrir mótið sem fram fóru í dag. Vettel er ökumaður Red Bull-liðsins, sem er í efsta sæti í heimsmeistaramóti bílaframleiðanda.

Bíll frá Red Bull hefur verið á ráspól á öllum mótum ársins en þetta er í tíunda mótið af þrettán þar sem Vettel verður á ráspól. Hin þrjú skiptin hefur Mark Webber, sem líka ekur fyrir Red Bull-liðið, verið á ráspól. Webber náði ekki nema fimmta besta tímanum í tímatökunni í dag en hann varð á eftir Fernando Alonso, á Ferrari.

Bretinn Lewis Hamliton og Jenson Button, sem báðir keyra á McLaren-bílum, eru númer tvö og þrjú í rásröðinni.