Keppnislið Ferrari í Formúlu 1 hefur tilkynnt að frá og með september muni liðið algjörlega einbeita sér að næsta keppnistímabili.

Ferrari fór illa af stað í ár og á varla nokkra möguleika á heimsmeistaratitlunum sem í boði eru.

Liðið vill ekki að það sama gerist á næsta ári og ætlar Ferrari því að einbeita sér að tímabilinu 2012 strax í september.

„Við erum nú þegar búnir að ákveða hvaða uppfærslur við viljum gera á bílnum. En ef eitthvað stórkostlegt gerist í stigakeppninni munum við auðvitað skoða okkar mál,“ segir Stefano Domenicali, liðstjóri Ferrari.