Usain Bolt, heimsmethafi í 100 metra hlaupi karla, var dæmdur úr leik eftir að hafa þjófstartað í úrslitum 100 metra hlaupsins á heimsmeistaramótinu í frjálsum íþróttum sem fram fer í Daegu í Suður-Kóreu. Kom það fólki í opna skjöldu en fyrir hlaupið virkaði Bolt jafn öruggur og venjulega. Sumir vilja að reglunum verði breytt fyrir ólympíuleikanna þar sem þetta sé keppni í hver sé fljótastur en ekki hver haldi sér sem fastast á ráslínunni. Ekki er þó öll von úti fyrir Bolt en hann á enn eftir að keppa í 200 metra hlaupi og 4 x 100 metra hlaupi

Það var landi hans, Yohan Blake, sem stóð að lokum uppi sem sigurvegari á 9,92 sekúndum, 34 sekúndubrotum á eftir heimsmeti Bolts.