Vangaveltum um framtíð Ástralans Marks Webber hjá Red Bull virðist lokið en svo virðist sem hann verði áfram ökumaður liðsins á næsta keppnistímabili.

Þrálátur orðrómur hefur verið á kreiki um að Webber eigi ekki sæti víst á næsta ári og vilji Red Bull næla sér í ofurstjörnu á borð við Lewis Hamilton eða fá Kimi Raikkonen aftur í Formúluna.

En Webber sagði eftir Þýskalandskappaksturinn um helgina að viðræður væru í gangi og þær gengju vel. „Ég býst ekki við öðru en að sömu ökumenn aki fyrir Red Bull á næsta ári,“ segir Dietrich Mateschitz í viðtali á heimasíðu Formúlunnar.