Heimsmeistarinn í Formúlu 1, Sebastian Vettel á Red Bull, kom fyrstur í mark í kappakstrinum í Valencia en þetta var sjötti sigur hans á keppnistímabilinu en aðeins eru búnar átta keppnir. Hann hóf keppnina á ráspól í sjöunda skiptið á tímabilinu.

Mark Webber, liðsfélagi Vettels, hóf leik annar en það var Spánverjinn Fernando Alonso á Ferrari sem hreppti silfursætið í Valencia. Webber varð þriðji, Hamilton fjórði og Felipe Massa á Ferrari, fimmti.

Vettel hefur nú unnið sex keppnir af átta og hefur 77 stiga forskot í stigamótinu á næsta mann sem er Bretinn Jenson Button. Red Bull-liðið hefur 89 stiga forskot á McLaren í stigakeppni bílasmiða.

Það sem meira er varð Vettel í dag fyrsti maðurinn til að vinna tvær keppnir á spænskri grundu á sama árinu en hann vann Spánarkappaksturinn í Barcelona fyrr á tímabilinu.